МАРГЕЛАЎ Сцяпан Прохаравіч

[28.3.1902, в. Расохавічы Касцюковіцкага р-на Магілёўскай вобл. — 29.7.1937, Мінск, НКВД], эканаміст, географ. У 1927 скончыў Беларускую сельскагаспадарчую акадэмію, у 1930 — аспірантуру пры НДІ сельскай і лясной гаспадаркі. З 1931 працаваў у Інстытуце эканомікі БелАН: вучоны сакратар інстытута, загадчык секцыі эканамічнай геаграфіі. Адначасова выкладаў у Інстытуце народнай гаспадаркі, прафесар. Кандыдат эканамічных навук (1934). Ствараў тэорыю размяшчэння ў БССР тэхнічных сельскагаспадарчых культур і перапрацоўчай прамысловасці. Адзін з кіраўнікоў групы па складанні Вялікага атласа БССР. Арыштаваны 23.1.1937. Ваеннай калегіяй Вярхоўнага суда БССР 28.10.1937 прыгавораны да расстрэлу. Рэабілітаваны 19.7.1957.

Тв.: Да пытання аб рэсурсах Палесся БССР. Мн., 1933; Эканамічная геаграфія БССР. Мн., 1936 (у сааўт.).

Літ.: Возвращенные имена.