ЛЯБЕЦКАЯ Алена Канстанцінаўна

[2(15).7.1903, хутар Лягуцева Слонімскага пав. Гродзенскай губ., цяпер Слонімскі р-н — 28.1.1982], паліт. і грамадская дзяячка, мемуарыстка. Актывістка Таварыства беларускай школы ў Зах. Беларусі. З ліст. 1927 сакратар Слонімскай акруговай управы ТБШ. За сваю дзейнасць арыштавана польскімі ўладамі ў 1928. У 1929 дэлегат 1-га антыфашысцкага кангрэса ў Берліне; дэлегат Еўрапейскага сялянскага кангрэса. Зноў арыштавана ў лют. 1930; асуджана на 6 гадоў зняволення. З 1933 у выніку абмену палітвязнямі ў БССР. Працавала ў ЦК Міжнароднай арганізацыі дапамогі барацьбітам рэвалюцыі Беларусі. Арыштавана НКВД і зняволена 14.10.1937. У пасляваенны час пісала ўспаміны.

Тв.: Дзейнасць гурткоў «Таварыства беларускай школы» // У суровыя гады падполля. Мн., 1958; Иного пути не было // Вильнюсское подполье. Вильнюс, 1966.

Літ.: ЭГБ, т. 4.