ЛУЦКЕВІЧ Лявон Антонавіч

[13.3.1922, Вільня — 28.7.1997, Вільнюс], бел. грамадскі і культурны дзеяч, педагог, мемуарыст. Сын прэм’ера Беларускай Народнай Рэспублікі Антона Луцкевіча, закатаванага бальшавікамі. Скончыў Віленскую беларускую гімназію. Падчас нямецкай акупацыі настаўнічаў, прымаў удзел у нацыянальным падполлі. У 1944 уступіў у Беларускую Краёвую Абарону. Арыштаваны савецкай дзяржбяспекай у Польшчы ў канцы 1945. Быў асуджаны на судовым працэсе над кіраўніцтвам Беларускай Незалежніцкай Партыі. Пасля вызвалення з канцлагера жыў у Вільні, з канца 1980-х г. актыўна падтрымліваў бел. адраджэнскі рух.

Тв.: Вандроўкі па Вільні. Вільня, 1998.

Літ.: Ёрш С. Вяртанне БНП: Асобы і дакументы Беларускай Незалежніцкай Партыі. Мн.; Слонім, 1998; Антысавецкія рухі.