Reference books of the writer, historian and scientist Leanid Marakou "Repressed public and cultural figures of Belarus"
Index » Даведнiкi » Рэпрэсаваныя лiтаратары, навукоўцы, работнiкi асветы, грамадскiя i культурныя дзеячы Беларусi. Рэпрэсаваныя Настаўнікі » Том IV. Кнiга I » МАКУЕВА Антаніна Адамаўна
МАКУЕВА Антаніна Адамаўна
[1882, в. Старая Мыш Навагрудскага пав. Мінскай губ., цяпер Баранавіцкі р-н Брэсцкай вобл. – 1937 (?), Віцебск, турма НКВД]. З сям’і службоўца. Атрымала сярэднюю адукацыю. Працавала настаўніцай 21-й польскай школы Віцебска. Была замужам, мела двое дзяцей. Арыштавана 8.7.1937. Асуджана асобай нарадай пры НКВД 25.8.1937 як “удзельніца антысавецкай контррэвалюцыйнай арганізацыі” да ВМП. Расстраляна. Рэабілітавана Вярхоўным Судом БССР 17.11.1956. Асабовая справа М. № 3979-п захоўваецца ў архіве УКДБ Віцебскай вобл.