ЛАБАНОВІЧ Міхаіл Пятровіч

[1897, в. Буда Мінскай губ., цяпер Магілёўскай вобл. – ?]. З сялянскай сям’і. Атрымаў сярэднюю спецыяльную адукацыю. Працаваў настаўнікам школы в. Парэчча Глускага р-на Магілёўскай вобл. Быў жанаты, меў трое дзяцей. Арыштаваны 17.3.1933. Асуджаны 20.5.1933 калегіяй АДПУ за “антысавецкую агітацыю” да 3 гадоў ППЛ. Далейшы лёс невядомы. Рэабілітаваны 20.10.1989 пракурорам Магілёўскай вобл. Асабовая справа Л. № 12492 захоўваецца ў архіве УКДБ Магілёўскай вобл.