КІСЯЛЁЎ Сяргей Рыгоравіч

[1894, Крычаў Чэрыкаўскага пав. Магілёўскай губ., цяпер райцэнтр Магілёўскай вобл. – ?]. З сялянскай сям’і. Атрымаў сярэднюю спецыяльную адукацыю. У 1918–21 г. служыў фельчарам у арміі. У пасляваенны час настаўнік у адной з СШ Крычава. Быў жанаты, меў двое дзяцей. Арыштаваны 23.3.1933. Асуджаны не быў. Вызвалены і рэабілітаваны пастановай АДПУ БССР 21.5.1933. Далейшы лёс невядомы. Групавая справа К. і інш. № 4868 захоўваецца ў архіве УКДБ Магілёўскай вобл.