КАЎЦЭВІЧ Васіль Фёдаравіч

[1890, мяст. Любча Навагрудскага пав. Мінскай губ., цяпер Навагрудскі р-н Гродзенскай вобл. – 13.10.1938, Мінск, турма НКВД], брат Сцяфаніды Алейнік-Каўцэвіч. З сялянскай сям’і. Атрымаў сярэднюю адукацыю. Працаваў настаўнікам няпоўнай СШ в. Пралетарскае Касцюковіцкага р-на Магілёўскай вобл. Арыштаваны 16.8.1938 у в. Чарчонаўка Касцюковіцкага р-на. Асуджаны 29.9.1938 тройкай НКВД як “агент польскай разведкі” да ВМП з канфіскацыяй маёмасці. Расстраляны. Рэабілітаваны трыбуналам БВА 11.12.1956. Групавая справа К. і інш. № 5322 захоўваецца ў архіве УКДБ Магілёўскай вобл.