КАПЫЧЫНСКІ Чэслаў Іванавіч

[1907, в. Гаўлушчавіца (?), цяпер Польшча – ?]. З купецкай сям’і. Атрымаў сярэднюю адукацыю. Працаваў настаўнікам пачатковай школы мяст. Тарнова, цяпер Лідскі р-н Гродзенскай вобл. Быў жанаты, гадаваў трое непаўнагадовых дзяцей. Арыштаваны 12.1.1940. Асуджаны асобай нарадай пры НКВД 6.8.1940 за “нелегальны пераход дзяржаўнай мяжы” да 3 гадоў ППЛ. Этапаваны ў Кулойскі лагер НКВД Архангельскай вобл. Вызвалены 4.9.1941 як польскі грамадзянін. Далейшы лёс невядомы. Рэабілітаваны пракуратурай Брэсцкай вобл. 26.10.1992. Асабовая справа К. № 11170 з фотаздымкам захоўваецца ў архіве УКДБ Брэсцкай вобл.