КАЗІМІРСКІ Іван Андрэевіч

[1910, в. Шчаўкунова (?) Аршанскага пав. Магілёўскай губ., цяпер Лёзненскі р-н Віцебскай вобл. – ?]. З сялянскай сям’і. Атрымаў сярэднюю адукацыю. Працаваў настаўнікам віцебскай СШ № 17. Арыштаваны 23.11.1937. Асуджаны 28.11.1937 тройкай НКВД за “антысавецкую агітацыю” і як “член контррэвалюцыйнай групоўкі” да 10 гадоў ППЛ. Этапаваны ў Байкала-Амурскі лагер НКВД Амурскай вобл. Вызвалены ў 1940 (?). Далейшы лёс невядомы. Рэабілітаваны пракуратурай Віцебскай вобл. 22.11.1989. Групавая справа К. і інш. № 20317-п захоўваецца ў архіве УКДБ Віцебскай вобл.