КАЗАК Павел Сцяпанавіч

[1914, в. Мурзы Дрысенскага пав. Віцебскай губ. – ?]. З сям’і службоўца. Атрымаў сярэднюю адукацыю. Працаваў настаўнікам няпоўнай СШ в. Пруднікі (цяпер Верхнядзвінскі р-н). Арыштаваны 23.6.1937. Асуджаны 11.5.1938 пазасудовым органам НКВД за “антысавецкую агітацыю” і як “член антысавецкай групоўкі” да 7 гадоў ППЛ. Далейшы лёс невядомы. Рэабілітаваны Вярхоўным Судом БССР 7.2.1962. Групавая справа К. і інш. № 11193-п захоўваецца ў архіве УКДБ Віцебскай вобл.