КАГАНЮК Ганна Аляксееўна

[1926, мяст. Дзівін Коб-
рынскага пав. Гродзенскай губ., цяпер Кобрынскі р-н Брэсцкай вобл. – ?]. З сялянскай сям’і. Падчас 2-й сусветнай вайны заставалася на акупаванай тэрыторыі, працавала настаўніцай школы в. Воса Кобрынскага р-на. Арыштавана ў 1945 (?). Асуджана 21.7.1945 пазасудовым органам НКДБ як “член антысавецкай арганізацыі” да 10 гадоў ППЛ і 5 гадоў пазбаўлення правоў з канфіскацыяй маёмасці. Вызвалена 2.12.1954. Далейшы лёс невядомы. Рэабілітавана пленумам Вярхоўнага Суда СССР 27.12.1972. Групавая справа К. і інш. № 6642-с захоўваецца ў архіве УКДБ Брэсцкай вобл.