ІГНАШЭЎСКІ Іосіф Іванавіч

[1905, Перамышль, цяпер Польшча – ?]. З рабочай сям’і. Атрымаў вышэйшую адукацыю. Працаваў дырэктарам няпоўнай СШ в. Забалаць тагачаснага Радунскага (цяпер Воранаўскага) р-на Гродзенскай вобл. Быў жанаты, гадаваў двое дзяцей. Арыштаваны 25.5.1940. Асуджаны асобай нарадай пры НКВД 25.11.1940 за “антысавецкую агітацыю і прапаганду” да 8 гадоў ППЛ. Этапаваны ў Іўдэльскі лагер НКВД Свярдлоўскай вобл. Вызвалены ў верас. 1941 як польскі грамадзянін. Далейшы лёс невядомы. Рэабілітаваны пракуратурай Гродзенскай вобл. 30.6.1993. Асабовая справа І. № п-18657 з фотаздымкам захоўваецца ў архіве УКДБ Гродзенскай вобл.