ІГНАТОВІЧ Барыс Мікітавіч

[1900, в. Пагост Слуцкага пав. Мінскай губ., цяпер Салігорскі р-н Мінскай вобл. – ?]. З сялянскай сям’і. Атрымаў сярэднюю адукацыю. Працаваў настаўнікам у роднай вёсцы. Быў жанаты, гадаваў трое дзяцей. Арыштаваны 6.1.1933. Асуджаны 28.3.1933 калегіяй АДПУ за “антысавецкую дзейнасць супраць калектывізацыі” да 5 гадоў ППЛ. Далейшы лёс невядомы. Рэабілітаваны прэзідыумам Мінскага абл. суда 19.9.1956. Групавая справа І. і інш. № 7205-с захоўваецца ў архіве КДБ Беларусі.