ЗАХАРЧАНКА Яўген Уладзіміравіч

[1910, мяст. Палонка Навагрудскага пав. Мінскай губ., цяпер Баранавіцкі р-н Брэсцкай вобл. – ?]. З сям’і службоўца. Атрымаў сярэднюю адукацыю. Працаваў настаўнікам школы в. Агарэвічы Ганцавіцкага р-на Брэсцкай вобл. Быў жанаты, меў дзіця. Арыштаваны 10.7.1940. Асуджаны 25.11.1940 асобай нарадай пры НКВД за “нелегальны пераход дзяржаўнай мяжы” да 5 гадоў ППЛ. Вызвалены 31.8.1941 як польскі грамадзянін. Далейшы лёс невядомы. Рэабілітаваны 9.6.1993 пракуратурай Гродзенскай вобл. Асабовая справа З. № п-18436 з фотаздымкам захоўваецца ў архіве УКДБ Гродзенскай вобл.