ЗАХАРАНКА Аляксандр Дзямьянавіч

[1891, в. Горная Вуліца Магілёўскага пав., цяпер Магілёўскі р-н – ?]. З сялянскай сям’і. Атрымаў вышэйшую адукацыю. Працаваў настаўнікам 2-й магілёўскай школы. Падчас 2-й сусветнай вайны заставаўся на акупаванай тэрыторыі. Арыштаваны 6.1.1945. Абвінавачваўся ў “пасобніцкай дзейнасці”. Асуджаны не быў. Вызвалены і рэабілітаваны галоўным ваенным пракурорам Чырвонай Арміі ў перыяд 12.7.–16.8.1945. Далейшы лёс невядомы. Асабовая справа З. № 3056 захоўваецца ў архіве УКДБ Магілёўскай вобл.