ЗАРЭМБА Пётр Антонавіч

[1897, мяст. Глыбокае Дзісенскага пав. Віленскай губ., цяпер райцэнтр Віцебскай вобл. – ?]. Атрымаў вышэйшую адукацыю. Працаваў настаўнікам у 22-м і 34-м прафесійна-тэхнічных вучылішчах у Мінску. Быў жанаты, гадаваў дзіця. Арыштаваны 12.9.1933 у Мінску па адрасе: Маркаўскі зав., д. 26, кв. 1. Асуджаны 13.12.1933 як “актыўны член контррэвалюцыйнай шпіёнска-дыверсійнай арганізацыі” да 3 гадоў ППЛ. Этапаваны ў Далёкаўсходні лагер НКВД, затым у Карагандзінскі лагер НКВД Казахскай ССР. Вызвалены ў 1936. Далейшы лёс невядомы. Рэабілітаваны трыбуналам БВА 16.4.1957. Групавая справа З. і інш. № 10240-с захоўваецца ў архіве КДБ Беларусі.