ЖЫГАЛКОВІЧ Канстанцін Вікенцевіч

[1893, в. Грабёнка Ігуменскага пав. Мінскай губ., цяпер Чэрвеньскі р-н Мінскай вобл. – ?]. З сям’і службоўца. Атрымаў сярэднюю спецыяльную адукацыю. Працаваў настаўнікам школы в. Горкі Чэpвеньскага р-на. Быў жанаты, гадаваў трое дзяцей. Арыштаваны 19.4.1933. Асуджаны 9.7.1933 за “антысавецкую дзейнасць” да 3 гадоў пазбаўлення правоў пражываць у вызначаных месцах. Далейшы лёс невядомы. Рэабілітаваны прэзідыумам Мінскага абл. суда 27.9.1988. Групавая справа Ж. і інш. № 20981-с захоўваецца ў архіве КДБ Беларусі.