ЖАЎНЯРКЕВІЧ Уладзімір Антонавіч

[1914, Мінскі пав. – ?].
З сялянскай сям’і. Атрымаў сярэднюю адукацыю. Працаваў настаўнікам школы в. Аталезь Стаўбцоўскага р-на Мінскай вобл. Быў жанаты, гадаваў двое дзяцей. Падчас 2-й сусветнай вайны заставаўся на акупаванай тэрыторыі. Арыштаваны 6.7.1945. Асуджаны 26.9.1945 за “дапамогу нямецкім акупацыйным уладам” да 10 гадоў ППЛ і 3 гадоў пазбаўлення правоў. Этапаваны ў Цемнікоўскі лагер НКВД Мардоўскай АССР. Вызвалены 17.2.1947. Далейшы лёс невядомы. Рэабілітаваны пленумам Вярхоўнага Суда СССР 6.10.1976. Асабовая справа Ж. № 20542-с захоўваецца ў архіве КДБ Беларусі.