ЕРМАЛОВІЧ Яніна Іванаўна

[1916, в. Калацічы Бабруйскага пав. Мінскай губ., цяпер Глускі р-н Магілёўскай вобл. – ?]. З сялянскай сям’і. Атрымала сярэднюю адукацыю. Працавала настаўніцай Запольскай школы Глускага р-на Магілёўскай вобл. Падчас 2-й сусветнай вайны заставалася на акупаванай тэрыторыі. Арыштавана 2.12.1944. Асуджана 26.9.1945 за “ўдзел у нацыянал-фашыскай арганізацыі” да 5 гадоў ППЛ. Далейшы лёс невядомы. Рэабілітавана ваеннай калегіяй па крымінальных справах Вярхоўнага Суда БССР 29.3.1963. Асабовая справа Е. № 8509-сн захоўваецца ў архіве УКДБ Магілёўскай вобл.