ДЫЛЬКО Юзэфа Казіміраўна

[1912, Грозны, цяпер Чачэнская рэспубліка Расійскай Федэрацыі – ?]. З сям’і рабочага. Атрымала вышэйшую адукацыю. Працавала настаўніцай у Косаве (цяпер Брэсцкая вобл.). Арыштавана 24.3.1940 у Косаве па адрасе: вул. Чырвонааpмейская, д. 25. Асуджана 25.10.1940 асобай нарадай пры НКВД за “антысавецкую агітацыю” да 8 гадоў ППЛ. Этапавана ў Карагандзінскі лагер НКВД Казахскай ССР. Далейшы лёс невядомы. Рэабілітавана пракуратурай Брэсцкай вобл. 31.3.1989. Асабовая справа Д. № 7433-с з фотаздымкам захоўваецца ў архіве УКДБ Брэсцкай вобл.