ДАЎГУЛЕВІЧ Антон Рыгоравіч

[1886, в. Сакольшчына
Ігуменскага пав. Мінскай губ., цяпер Уздзенскі р-н Мінскай
вобл. – ?]. З сялянскай сям’і. Атрымаў сярэднюю спецыяльную адукацыю. Працаваў дырэктарам няпоўнай СШ ў Гарадзішчы Мінскага р-на. Быў жанаты, гадаваў двое дзяцей. Падчас 2-й сусветнай вайны заставаўся на акупаванай тэрыторыі. Арыштаваны 17.12.1944. Асуджаны 26.12.1945 асобай нарадай пры НКВД як “памагаты нямецкіх акупацыйных уладаў” і за “антысавецкую агітацыю” да 5 гадоў пазбаўлення волі. Этапаваны ў Карагандзінскі (?) лагер НКВД Казахскай ССР. Далейшы лёс невядомы. Рэабілітаваны Пракуратурай РБ 13.11.1992. Асабовая справа Д. № 34897-с захоўваецца ў архіве КДБ Беларусі.