ДАВЫДЗЮК Мікалай Сцяпанавіч

[1912, в. Яўсімавічы Кобрынскага пав. Гродзенскай губ., цяпер Кобрынскі р-н Брэсцкай вобл. – ?]. З сялянскай сям’і. Атрымаў сярэднюю адукацыю. Працаваў у Кобрынскім раённым аддзеле народнай адукацыі. Падчас 2-й сусветнай вайны заставаўся на акупаванай тэрыторыі. Арыштаваны 15.8.1944 у Кобрыне па адрасе: вул. Інтэpнацыянальная, д. 36. Асуджаны 28.6.1945 асобай нарадай пры МДБ як “памагаты нямецкіх акупацыйных уладаў” да 5 гадоў ППЛ. Далейшы лёс невядомы. Рэабілітаваны пракуратурай Брэсцкай вобл. 23.6.1992. Асабовая справа Д. № 10914-с захоўваецца ў архіве УКДБ Брэсцкай вобл.