ДАБРЭНКА Пётр Мартынавіч

[1902, Бабруйск Мінскай губ., цяпер райцэнтр Магілёўскай вобл. – ?]. З сям’і службоўца. Атрымаў вышэйшую адукацыю. Працаваў выкладчыкам курсавай базы Ўпраўлення шашэйных дарог НКВД БССР. Арыштаваны 22.5.1938 у Бабруйску. Абвінавачваўся ў “шпіянажы і ўдзеле ў контррэвалюцыйнай кулацкай арганізацыі”. 31.3.1939 пастановай Бабруйскага раённага аддзела НКВД справа Д. (№ 4774-сн; захоўваецца ў архіве УКДБ Магілёўскай вобл.) спынена, а ён вызвалены (7.4.1939). Далейшы лёс невядомы.