ГУШЧА Рамуальд Канстанцінавіч

[1916, в. Гіжгайлава Ігуменскага пав. Мінскай губ., цяпер Клічаўскі р-н Магілёўскай вобл. – ?]. З сялянскай сям’і. Атрымаў вышэйшую адукацыю. Працаваў загадчыкам педагагічнага кабінета Лідскага раённага аддзела народнай адукацыі (?). Падчас 2-й сусветнай вайны заставаўся на акупаванай тэрыторыі. Арыштаваны 28.5.1945. Асуджаны 30.9.1945 за “ўдзел у антысавецкай арганізацыі” да 8 гадоў ППЛ. Далейшы лёс невядомы. Рэабілітаваны судовай калегіяй па крымінальных справах Вярхоўнага Суда БССР 23.2.1962. Асабовая справа Г. № 7611-сн захоўваецца ў архіве УКДБ Магілёўскай вобл.