ГРУДЗІНСКІ Цімафей Дзмітрыевіч

[студз. 1877, Бабруйск Мінскай губ., цяпер райцэнтр Магілёўскай вобл. – 9.3.1921, ЧК]. З мяшчанскай сям’і. Атрымаў вышэйшую адукацыю. Працаваў загадчыкам сектара (аддзела) ў Мінскім політэхнічным тэхнікуме. Быў жанаты, меў дзіця. Арыштаваны 2.1.1921 у Мінску па адрасе: вул. Магазінная, д. 28, кв. 1. Асуджаны пастановай ЧК 12.1.1921 за “антысавецкую дзейнасць” да 5 гадоў ППЛ з канфіскацыяй маёмасці. Загінуў у зняволенні. Рэабілітаваны Пракуратурай Беларусі 19.10.1992. Асабовая справа Г. № 34739-с захоўваецца ў архіве КДБ Беларусі.