ГОЛУБЕВА Таццяна Міхайлаўна

[1884 (?), в. Яськаўшчына Магілёўскага пав., цяпер Лёзненскі р-н Віцебскай вобл. – ?], верагодна, жонка Васіля Голубева. З сялянскай сям’і. Працавала настаўніцай школы в. Супанічы Магілёўскага р-на. Выйшла замуж, гадавала дзіця. Арыштавана 20.10.1925. Абвінавачвалася ў “антысавецкай агітацыі і прапагандзе”. 29.4.1926 вызвалена пастановай асобай нарады пры АДПУ. Далейшы лёс невядомы. Групавая справа Г. і інш. (усяго каля 10 чалавек) № 2989 захоўваецца ў архіве УКДБ Магілёўскай вобл.