ГЕЛЕРМАН-СЦЯПАНАВА Бася Такхомаўна

[1898, мяст. Грыўна Курляндскай губ., цяпер Латвія – 28.1.1938, Віцебск, турма НКВД]. З сям’і службоўца. Працавала выхавальніцай у дзіцячым садзе Віцебскага гарсавета. Выйшла замуж, гадавала дзіця. Арыштавана 6.12.1937 у Віцебску па адрасе: вул. Праўды, д. 7, кв. 11 Асуджана 10.1.1938 тройкай НКВД як “агент латвійскай pазведкі” да ВМП. Расстраляна. Рэабілітавана трыбуналам БВА 23.9.1966. Асабовая справа Г.-С. № 13348-п захоўваецца ў архіве УКДБ Віцебскай вобл.