ГЕЙСЛАЎ Артур Мартынавіч

[1907, в. Карабанава Смаленскай губ., цяпер Смаленская вобл., Расія – 19.2.1938, Мінск, турма НКВД], муж Фані Гейслаў. З сялянскай сям’і. Атрымаў сярэднюю адукацыю. Працаваў настаўнікам латышскай школы в. Уна Лёзненскага р-на Віцебскай вобл. Арыштаваны 4.12.1937. Асуджаны 21.1.1938 тройкай НКВД за “контррэвалюцыйную дзейнасць” да ВМП. Расстраляны. Рэабілітаваны трыбуналам БВА 28.11.1957. Групавая справа Г. і інш. (усяго каля 10 чалавек) № 6988-п захоўваецца ў архіве УКДБ Віцебскай вобл.