ГАЎРЫЛАВА Станіслава Станіславаўна

[1893, хут. Янава Аршанскага пав. Магілёўскай губ., цяпер Лёзненскі р-н Віцебскай вобл. – 1933 (?), Віцебск, турма НКВД]. З мяшчанскай сям’і. Працавала настаўніцай школы в. Касцеева Лёзненскага р-на. Арыштавана 11.12.1932. Асуджана 15.4.1933 паводле пастановы калегіі АДПУ за “контррэвалюцыйную дзейнасць” да ВМП з канфіскацыяй маёмасці. Расстраляна. Рэабілітавана трыбуналам БВА 5.6.1956. Групавая справа Г. і інш. (усяго больш за 100 чалавек) № 12188-п захоўваецца ў архіве УКДБ Віцебскай вобл.