ВЕЛЯВЕЙСКІ Сігізмунд Уладзіслававіч

[1902, Дамброва, Гродзенскай губ. – ?]. З рабочай сям’і. Атрымаў сярэднюю адукацыю. Да арышту дырэктар школы в. Велямічы Столінскага р-на Брэсцкай вобл. Быў жанаты, гадаваў дзіця. Арыштаваны 13.7.1940. Асуджаны асобай нарадай пры НКВД 29.11.1940 як “агент разведкі буржуазнай Польшчы” да 8 гадоў ППЛ. Этапаваны ў Анежскі лагер НКВД Архангельскай вобл. Вызвалены 19.9.1941 як польскі грамадзянін. Далейшы лёс невядомы. Рэабілітаваны пракуратурай Брэсцкай вобл. 31.7.1989. Асабовая справа В. № 9606-с з фотаздымкам захоўваецца ў архіве УКДБ Брэсцкай вобл.