ВАЛЕТКА Іван Цімафеевіч

[29.3.1891, в. Варкавічы Слуцкага пав. Мінскай губ., цяпер Слуцкі р-н Мінскай вобл. – ?]. З сялянскай сям’і. Атрымаў вышэйшую адукацыю. Уступіў у ВКП(б). Падчас арышту дырэктар Цараўскай няпоўнай СШ Слуцкага р-на Мінскай вобл. Быў жанаты, меў дзіця. Арыштаваны 1.2.1935. Асуджаны асобай нарадай пры НКВД 7.7.1938 за “контррэвалюцыйную дзейнасць” да 5 гадоў ППЛ. Этапаваны ва Ухта-Пячорскі лагер НКВД Комі АССР. Вызвалены 14.2.1939 (?). Далейшы лёс невядомы. Рэабілітаваны пракуратурай Мінскай вобл. 30.6.1989. Асабовая справа В. № 24821-с з фотаздымкам захоўваецца ў архіве КДБ Беларусі.