ВАЛАХАНОВІЧ Мартын Вікенцевіч

[1884, в. Рудня Мінскага пав., цяпер Дзяржынскі р-н Мінскай вобл. – ?]. З сялянскай сям’і. Атрымаў сярэднюю адукацыю. Быў жанаты, меў трое дзяцей. Працаваў настаўнікам у 2-й і 5-й мінскіх школах. Арыштаваны 26.2.1930 у Мінску па адрасе: вул. К. Маркса, д. 34, кв. 1а. Асуджаны тройкай НКВД 16.6.1930 як “агент 2-га аддзела генштаба Польшчы” і “член дыверсійна-паўстанцкай арганізацыі” да 3 гадоў ППЛ. Далейшы лёс невядомы. Рэабілітаваны трыбуналам БВА 5.11.1957. Групавая справа В. і інш. № 11682-с з фотаздымкам захоўваецца ў архіве КДБ Беларусі.