БЯЛЯЎСКІ Люцыян Іванавіч

[1905, в. Заводы, цяпер Падляшскае ваяв., Польшча – ?]. З сялянскай сям’і. Атрымаў сярэднюю спецыяльную адукацыю. Працаваў настаўнікам школы в. Відзейка Свіслацкага р-на Гродзенскай вобл. Быў жанаты, меў двое дзяцей. Арыштаваны 28.5.1940. Асуджаны 25.11.1940 асобай нарадай пры НКВД як “сацыяльна-небяспечны элемент” да 8 гадоў ППЛ. Этапаваны ў Іўдэльскі лагер НКВД Свярдлоўскай вобл. Вызвалены 28.8.1941 як польскі грамадзянін. Далейшы лёс невядомы. Рэабілітаваны 22.11.1989 пракуратурай Гродзенскай вобл. Асабовая справа Б. № п-10955 з фотаздымкам захоўваецца ў архіве УКДБ Гродзенскай вобл.