БІРУЛЯ Вольга Сцяпанаўна

[1886, мяст. Мір Навагрудскага пав. Мінскай губ., цяпер г. п. Карэліцкага р-на Гродзенскай вобл. – ?]. З бел. сялянскай сям’і. Атрымала сярэднюю адукацыю. Падчас арышту працавала настаўніцай школы г. п. Мір. Арыштавана 26.12.1944. Асуджана 8.4.1946 асобай нарадай пры МДБ як “сацыяльна-небяспечны элемент” да 5 гадоў ссылкі. Далейшы лёс невядомы. Рэабілітавана 10.10.1991 пракуратурай Гродзенскай вобл. Асабовая справа Б. № п-13281 захоўваецца ў архіве УКДБ Гродзенскай вобл.