БАЦЯН Георгій Іванавіч

[1899, в. Яблонаўшчына Навагрудскага пав. Мінскай губ., цяпер Нясвіжскі р-н Мінскай вобл. – ?]. З сялянскай сям’і. Атрымаў сярэднюю адукацыю. Працаваў настаўнікам начатковай школы ў роднай вёсцы. Быў жанаты, гадаваў дачку Валеду (н. ў 1930), сына Людаміра (1927). Арыштаваны 18.12.1939. Асуджаны асобай нарадай пры НКВД 19.7.1940 як “агент польскай паліцыі” да 8 гадоў ППЛ. Далейшы лёс невядомы. Рэабілітаваны Пракуратурай БССР 6.6.1989. Асабовая справа Б. № 27269-с захоўваецца ў архіве КДБ Беларусі.