БАБРОВІЧ Баніфацый Іванавіч

[1902, в. Яблонцы Вілейскага пав. Віленскай губ., цяпер Докшыцкі р-н Віцебскай вобл. –
1.3.1941, ГУЛАГ]. З сялянскай сям’і. Атрымаў сярэднюю адукацыю. Працаваў настаўнікам СШ в. Баяры Мядзельскага р-на. Быў жанаты, гадаваў двое дзяцей. Арыштаваны 20.5.1940. Асуджаны 26.8.1940 асобай нарадай пры НКВД як “сацыяльна-небяспечны элемент” да 8 гадоў ППЛ. Этапаваны ва Ухта-Іжэмскі лагер НКВД Комі АССР. Загінуў у зняволенні. Рэабілітаваны пракуратурай Мінскай вобл. 26.12.1989. Асабовая справа Б. № 28879-с з фотаздымкам захоўваецца ў архіве КДБ Беларусі.