АЎРУЦКІ Гірш Ноях-Аўрумавіч

[1892, Белая Царква Кіеўскай губ., цяпер Кіеўская вобл., Украіна – ?]. З сям’і службоўца. Атрымаў вышэйшую адукацыю. Працаваў выкладчыкам Мінскага тэхнікума лёгкай прамысловасці. Арыштаваны 11.4.1948 у Мінску па адрасе: вул. Нагіна, д. 20. Асуджаны 30.10.1948 за “ўдзел у антысавецкай нацыяналістычнай сіянісцкай арганізацыі” да 10 гадоў ППЛ. Этапаваны ў Дубраўны лагер МДБ Мардоўскай АССР (ст. Поцьма). Вызвалены 9.12.1954. Рэабілітаваны судовай калегіяй па крымінальных справах Вярхоўнага Суда БССР 9.8.1956. Далейшы лёс невядомы. Асабовая справа А. № 6748-с з фотаздымкам захоўваецца ў архіве КДБ Беларусі.