АСТРОЎСКІ Міхаіл Андрэевіч

[1901, Бабруйск Мінскай губ., цяпер Мінскай вобл. – ?]. З бел. сялянскай сям’і. Атрымаў вышэйшую адукацыю. У 1920–30-х г. жыў у Мінску. У ліп. 1941 з сям’ёй пераехаў у Слонім, цяпер райцэнтр Гродзенскай вобл., працаваў дырэктарам СШ № 2. Быў жанаты, меў сына Юрыя (н. ў 1925). Арыштаваны 16.10.1944. Асуджаны асобай нарадай пры НКВД 1.9.1945 за “дапамогу нямецкім акупантам” да 10 гадоў ППЛ. Этапаваны ва Унжэнскі лагер НКВД Горкаўскай чыгункі. Вызвалены 18.6.1954. Далейшы лёс невядомы. Рэабілітаваны Вярхоўным Судом БССР 29.8.1967. Асабовая справа А. № 19796-с з фотаздымкам захоўваецца ў архіве КДБ Беларусі.