АПАЦКІ Ігнат Іосіфавіч

[1899, в. Чарніца Барысаўскага пав. Мінскай губ., цяпер Смалявіцкі р-н Мінскай вобл. – ?].
З сялянскай сям’і. Атрымаў сярэднюю адукацыю. Працаваў настаўнікам школы ў Смалявічах. Быў жанаты, гадаваў двое дзяцей. Арыштаваны 11.2.1935. Асуджаны 11.5.1935 пазасудовым органам НКВД за “контррэвалюцыйную дзейнасць” да 4 гадоў ППЛ. Этапаваны ў Далёкаўсходні лагер НКВД Хабараўскага краю. Вызвалены 4.2.1939. Далейшы лёс невядомы. Рэабілітаваны прэзідыумам Вярхоўнага Суда БССР 24.7.1957. Групавая справа А. і інш. № 14740 захоўваецца ў архіве КДБ Беларусі.