АЛЬШЭЎСКАЯ Леакадзія Канстанцінаўна

[1901, в. Германаўшчына, цяпер Віцебская вобл. – ?]. З сялянскай сям’і. Атрымала сярэднюю адукацыю. Працавала дырэктарам пачатковай школы ў роднай вёсцы. Падчас 2-й сусветнай вайны, верагодна, заставалася на акупаванай тэрыторыі. Арыштавана 31.12.1944. Асуджана 2.7.1946 як “удзельніца антысавецкай нацыяналістычнай арганізацыі” да 3 гадоў ППЛ. Этапавана ва Ухта-Іжэмскі лагер МДБ Комі АССР. Далейшы лёс невядомы. Рэабілітавана пракуратурай Віцебскай вобл. 24.11.1989. Асабовая справа А. № 16942-п захоўваецца ў архіве УКДБ Віцебскай вобл.