АЛФЁРЧЫК Аляксандра Мікалаеўна

[1907, в. Кавалі Бабруйскага пав. Мінскай губ., цяпер Бабруйскі р-н Магілёўскай
вобл. – ?], сястра Галіны Алфёрчык. З бел. сялянскай сям’і.
Атрымала сярэднюю адукацыю. Працавала настаўніцай школы в. Міхалёва Бабруйскага р-на. Арыштавана 11.9.1950. Асуджана 10.3.1951 МДБ за “здраду радзіме” да 10 гадоў ППЛ з канфіскацыяй маёмасці. Этапавана ў Дубраўны лагер МДБ Мардоўскай АССР (пас. Явас). Далейшы лёс невядомы. Рэабілітавана 26.9.1960 калегіяй Вярхоўнага Суда БССР. Групавая справа сям’і А. № 4634-сн з фотаздымкамі захоўваецца ў архіве УКДБ Магілёўскай вобл.