ТРУСЕВІЧ (ТРУСЕВИЧ) Іаан Васілевіч

[1878, мяст. Дуброўна Горацкага пав. Магілёўскай губ., цяпер райцэнтр Віцебскай вобл. — 1931 (?), Віцебск (?), турма НКВД]. Беларус. З духоўнага саслоўя, сваяк Аляксія Трусевіча*. Скончыў духоўную семінарыю. Выкладаў у царкоўна-прыходскай школе ў мяст. Сухары Чавускага пав. Магілёўскай губ., цяпер Магілёўскі р-н. Рукапаложаны ў іерэя. З 1912 настаяцель Свята-Троіцкай царквы ў мяст. Шклоў Магілёўскага пав., цяпер райцэнтр Магілёўскай вобл. У 1920-я г. служыў у Мікалаеўскім храме ў мяст. Коханава Аршанскага пав., цяпер Талачынскі р-н Віцебскай вобл. Быў жанаты, меў трое дзяцей. Арыштаваны 16.10.1930. Асуджаны 26.1.1931 асобай нарадай АДПУ як «член контррэвалюцыйнай арганізацыі і за антысавецкую агітацыю» дa ВМП з канфіскацыяй маёмасці. Расстраляны. Рэабілітаваны 18.7.1989. Асабовая справа Т. з фотаздымкам захоўваецца ў архіве УКДБ Віцебскай вобл.

Кр.: Памятная книжка Могилевской губернии.