СТРАТАНОВІЧ (СТРАТАНОВИЧ) Сергій Аляксандравіч

[1865, мяст. Раманава Горацкага пав. Магілёўскай губ., з 1918 в. Леніна Горацкага р-на Магілёўскай вобл. — ?]. Беларус. З духоўнага саслоўя. Скончыў духоўную семінарыю. Не пазней чым з 1905 другі святар Раства-Багародзіцкай царквы ў родным мястэчку. Арыштаваны 12.2.1930. Асуджаны 9.3.1930 з актыўнымі прыхаджанамі калегіяй АДПУ за «антысавецкую агітацыю» да высылкі на Поўнач. Далейшы лёс невядомы. Рэабілітаваны 23.6.1989 пракуратурай Магілёўскай вобл. Групавая справа С. і інш. № 9928 захоўваецца ў архіве УКДБ Магілёўскай вобл.

Кр.: Памятная книжка Могилевской губернии.