РУТКОЎСКІ (РУТКОВСКИЙ) Аляксій Грыгор’евіч

[1892, в. Цітаўка Смаленскай губ., Расія — ?], святар. Рускі. З сялянскай сям’і. Скончыў духоўную семінарыю (?). Служыў у Раства-Багародзіцкай царкве ў мяст. Круглае былога Магілёўскага пав., цяпер райцэнтр Магілёўскай вобл. Арыштаваны 22.9.1949. Асуджаны 1.3.1950 асобай нарадай МДБ за «антысавецкую агітацыю» дa 3 гадоў высылкі ў Краснаярскі край. Далейшы лёс невядомы. Рэабілітаваны 16.1.1989 пастановай прэзідыума Вярхоўнага савета СССР. Асабовая справа Р. № 11063 захоўваецца ў архіве КДБ Магілёўскай вобл.

Кр.: НАРБ, ІКБР; БНДЦЭД.