РАМАНОЎСКІ (РОМАНОВСКИЙ) Мікіта Іванавіч

[1881, Кіеў — ?]. Рускі. З сям’і кадравага ваеннага. Атрымаў хатнюю адукацыю. У 1900—10-я г. служыў у Чэрыкаўскім казначэйстве, Магілёўскай казённай палаце, Магілёўскім губернскім распарадчым камітэце. Падчас арышту настаяцель царквы в. Палыкавічы Магілёўскага р-на. Арыштаваны 6.11.1935 у Магілёве. Асуджаны 17.4.1936 тройкай НКВД за «антысавецкую агітацыю» да 5 гадоў ППК з канфіскацыяй маёмасці. Далейшы лёс невядомы. Рэабілітаваны 4.2.1992 прэзідыумам Вярхоўнага суда БССР. Асабовая справа № 15061 захоўваецца ў архіве УКДБ Магілёўскай вобл.

Кр.: Памятная книжка Могилевской губернии.