ПРОХАРАЎ (ПРОХОРОВ) Васілій Прохаравіч

[1882, в. Цярэні Магілёўскай губ., цяпер Мсціслаўскі р-н Магілёўскай вобл. — 13.10.1937, Віцебск альбо Магілёў, турма НКВД]. Беларус. З сялянскай сям’і. Скончыў духоўную семінарыю, рукапаложаны ў іерэя. У 1930-я г. настаяцель прыпісной царквы в. Ермакі, цяпер Горацкі р-н Магілёўскай вобл. Быў жанаты, меў дзіця. Арыштаваны 18.9.1937. Асуджаны 28.9.1937 з 40 інш. свяшчэнна- і царкоўнаслужыцелямі і актыўнымі прыхаджанамі тройкай НКВД за «антысавецкую агітацыю і прапаганду супраць калгасаў» дa ВМП. Расстраляны. Рэабілітаваны 5.9.1989 пракуратурай Магілёўскай вобл. Асабовая справа П. № 11112 захоўваецца ў архіве КДБ Магілёўскай вобл.

Кр.: НАРБ, ІКБР.

[Паводле кнігі: т. II, с. 177–178]