ПАДЛУЖНЫ (ПОДЛУЖНЫЙ) Кузьма Фядотавіч

[1870, Чэрыкаўскі пав. Магілёўскай губ. — ?], святар. Беларус. З 1913—14 настаяцель Петра-Паўлаўскай царквы в. Малынічы Рагачоўскага пав. Магілёўскай губ., цяпер в. Старыя Малынічы Чачэрскага р-на Гомельскай вобл. Арыштаваны 27.9.1929 у в. Хонава (Вялікае Хонава), цяпер Магілёўскі р-н. Асуджаны 15.12.1929 калегіяй АДПУ за «антысавецкую агітацыю» да 3 гадоў высылкі ў Паўночны край. Далейшы лёс невядомы. Рэабілітаваны 16.10.1992 пракуратурай Магілёўскай вобл. Асабовая справа № 15202 захоўваецца ў архіве УКДБ Магілёўскай вобл.

Кр.: Памятная книжка Могилевской губернии; БНДЦЭД.