МІХНЮК (МИХНЮК) Антоній Ульянавіч

[1911, Гродзенская губ. (?) — пасля 1976]. З 1938 служыў псаломшчыкам у Георгіеўскай царкве в. Валавель, цяпер Драгічынскі р-н Брэсцкай вобл. З 1944 дыякан Уваскрасенскага храма мяст. Антопаль Драгічынскага р-на. З 1945 працягваў служыць у Мінска-Беларускай епархіі. З 1957 настаяцель храма ў г. Мглін Арлоўскай епархіі. З 1958 — у Петра-Паўлаўскай царкве в. Косічы Брэсцкага р-на. Арыштаваны ў 1961. Асуджаны да 3 гадоў ППК. Выключаны з кліра Мінскай епархіі. Вызвалены датэрмінова ў 1963. Служыў рэгентам у адной з цэркваў Бранска. Пасля вяртання на радзіму (1965) — у розных прыходах Мінскай епархіі, у тым ліку ў Пакроўскім саборы ў Баранавічах Брэсцкай вобл., Петра-Паўлаўскай царкве ў Кобрыне Брэсцкай вобл. З 27.11.1972 на пенсіі.

Кр.: Архіў Мінскага епархіяльнага ўпраўлення, ф. 1, в. 2, с. 531.

[Паводле кнігі: т. II, с. 105]