МІРАШНІЧЭНКА (МИРОШНИЧЕНКО) Дзімітрый Кірылавіч

[1888, Казінцы Палтаўскай губ., цяпер Украіна — ?], протаіерэй. Украінец. З сялянскай сям’і. 16.4.1914 прызначаны псаломшчыкам Петра-Паўлаўскай царквы в. Гаруцішкі Мінскага пав., цяпер Дзяpжынскі р-н Мінскай вобл. Рукапаложаны ў іерэя. Падчас арышту настаяцель храма в. Вялікае Сяло Мінскага пав., цяпер Дзяpжынскі р-н. Быў жанаты, меў двое дзяцей. Арыштаваны 18.2.1932. Асуджаны 15.4.1932 асобай нарадай пры АДПУ за «антысавецкую агітацыю» дa 5 гадоў ППК. Вызвалены ў 1934. Далейшы лёс невядомы. Рэабілітаваны 31.5.1989 пракуратурай Мінскай вобл. Групавая справа М. і інш. № 34309-с захоўваецца ў архіве КДБ Беларусі.

Кр.: Памяць: Гісторыка-дакументальная хроніка Дзяржынскага раёна. Мн., 2004.

[Паводле кнігі: т. II, с. 96–97]