ЛАНКОЎСКАЯ (ЛАНКОВСКАЯ) Меланія Андрэеўна (Ануфрыеўна)

[1893, в. Водва Віцебскай губ.  — ?], манахіня. З сялянскай сям’і. У 1915—18 знаходзілася ў Мала-Кірылавым манастыры на Волхаве Ноўгарадскага пав. Потым да сак. 1931 служыла пры Мікалаеўскай царкве ў с. Пушкіна Маскоўскай вобл. Арыштавана 9.3.1931. На допытах трымалася мужна, вінаватай сябе не прызнала. Асуджана 25.3.1931 калегіяй АДПУ Маскоўскай вобл. за «антысавецкую дзейнасць» да 5 гадоў ППК. Далейшы лёс невядомы. Рэабілітавана 16.3.1990.

Кр.: Афіцыйны сайт Віцебскай епархіі.